MAsif

​ کامیابی انسان کی فطری خواہش ہے۔ ہر انسان کامیاب ہونا چاہتاہے کچھ امتحان دیکر اور کچھ بغیر امتحان کامیاب ہونا چاہتے ہیں جہنم سے بچ کرجنت میں جانا حقیقی کامیابی ہے باقی ساری کامیابیاں عارضی اور غیر حقیقی ہیں اور یہ کامیابی صرف اسکو ملے گی جو مکمل ایس او پیز پر عمل کریگا۔ گھر میں بیوی بچوں کے حقوق ۔والدین کے حقوق۔بہنوں اور بھائیوں کے حقوق۔ہمسائیوں کے حقوق ۔رشتہ داروں کے حقوق۔ماتحتوں اور باس کے حقوق۔گھر میں کام کرنے والوں کے حقوق ایک مومن کا دل خوف اور رجا کے درمیان رہتا ہے کرتا بھی ہے اور ڈرتا بھی ہے۔اللہ اور اسکے رسول کو راضی کرنے کا نام کامیابی ہے 

​ اس دنیا میں انسان امتحان کی غرض سے سکونت پذیر ہے خود چنیدہ امتحان میں کامیابی کا دارومدار صحیح راستے کا چناو ہے یہ چنوتی اتنی کثیر الجہات ہے کہ اگر گہرائی میں جاکر تجزیہ کیا جائے تو نجات صرف رب کی رحمت میں ہی نظر آتی ہے۔حقوق اللّہ کو ہم نے ثانوی درجہ دے رکھا ہے کہ اللّہ معاف کریگا ۔کیسے کریگا؟ اس پر غور کی کبھی نوبت ہی نہیں آئی۔رب ہونے کے ناطے جو نعمتیں اس نے ہمیں عطا کررکھی ہیں ان کا شمار کرنے بیٹھیں تو گنتی ختم ہوجائے اور حساب کرنے بیٹھیں تو ایک ایک نعمت کے شکر پر زندگی ختم ہوجائے ۔ایک چائے کی پیالی پلانے والے کا احسان تو چکانے والے زندگی بھر یاد رکھتے ہیں لیکن رب کائنات کا ممنون احسان تو ردکنار شعور بھی شاید نہیں ہے جو حقوق اللّہ کو نہ پہچاننے کی بنیادی وجہ ہے۔ محمد آصف